سماح سعد أحمد الهدي 

▪الاسم: سماح سعد أحمد الهدي

▪تاريخ الميلاد: 1986

▪البرج: العذراء

▪النشاة: السعودية ما بين جدة والخبر – بعدين السودان- بعدين السعودية تاني أبها – و حالياً في الامارات 😬

▪الترتيب في العيلة: 2

▪الدراسة أو التخصص: علوم التخدير والعناية المكثفة

▪مجالات العمل: حالياً بعمل في مجالي و بديت بتأسيس نفسي عشان حابة أعمل في مجال الميك أب والتجميل عموماً 😍💄

▪تجربة عملية أضافت ليك كتير: شغلي في مجالي في ٣ بلدان مختلفة ، السودان والسعودية و الامارات وراني حاجات كتيرة ..

تجربة الغربة ( براي ) من عمر صغير في السعودية ( المقفولة ) للإمارات ( الفاتحة ) كل و حدة أضافت لي حاجات مختلفة تماماً و الاتنين أضافو لي كتير جداً و جعلو مني سماح مختلفة تماااااما عن سماح حقت السودان الكانت مع أهلها ..

▪الحياة علمتك شنو؟ علمتني الصبر و انو ما اي حاجة عايزها بتلقاها مهما كنت متشبث بيها و بس بتلقى الربنا كاتبو ليك واللي هو فيهو الخير ليك اكيد .. بس في المقابل علمتني انو اناضل و اجاهد و اكسر رقبتي عشان الحاجة العايزاها بعد داك لو ما بقت من نصيبي ما حيكون لي نصيب من الندم او الاحساس بالتقصير ..

علمتني انو اكون حليمة لانو كمية الناس القابلتهم ولااحد ما بيشبه التاني..

علمتني الإيثار ..

علمتني حاجات كتيرة ما حيسعني المجال اني اذكرها بس دي الاهم تقريباً

▪الهوايات: الرسم في مقدمة هواياتي .. بهوى الميك اب.. بحب الاعمال اليدوية .. قراية الرويات و الشعر و الخواطر .. بكتب قصائد : ( لو ممكن تتسمى شعر ) .. السباحة .. الهواية الغريبة شراء و تجميع الاقلام و النوت بوكس 🙈

▪الطموح: طموحي اكون مديرة نفسي و رئيسة نفسي دا الطموح العام..

اتعلم التصميم الداخلي ..

ابقى بروفيشنال ميك اب ارتيست عالمية ..

أعمل ماركتي الخاصة لمكياج ومنتجات التجميل عموماً يااااااااا رب 🌹🤲🏼

عندي نص ختمتو بإجابة للسؤال دا ( ثقتي برب العالمين .. و سقف أحلامي السماء 🌸💜)

▪مهمتك في مجلة السودان: حأكون مسؤولة قسم التجميل بإذن واحد أحد💄❤️😋

▪بداية حبكم للمجال الهسي حتمسكوه في المجلة: من ٨ سنوات تقريباً بس من سنتين حسيت اني عايزة امشي فيهو ك مشروع جاد 😃