تعبانك

أنا تعْبانَـــــك..

أنا قلبـي بيبكـي

 دمـوع الدم

لو دمعـة

 تلامـس ٲجفانـك ..

أنا تعبانــــــك…

حأسيبك

  قبال ما تشكي

قبال ما تحكي

 الحاصل بيك..

كل لفحة هم 

كسرت خاطرك

جرحت عيني

 قــبال عـيــنيك…

كــــل بســــمة

 كتمــت وراها وجع

هطلــــت جــواي

 غيمة بتبكــيك…

وإتفجر في الجوف

بركانـــك..

أنــا تعبانـــك

ولو كان

 بيدي

 محال يغشاك

في يوم 

هاجس 

أو لمــحة خــوف..

ولو كـــان 

بيخــفف حــبَّة عليك

ما ببخل ليك

 بالروح والشوف..

ما كان

 خليتا 

خطاك تمشي

في درب القسمة

 الما معروف..

ما كــان حــلمك

 في يوم خانك..

أنا تعبانك..

بس أعـرف

 كل ما حزنك يزيد

بيزيد ريدك

 عندي زياده..

ولو عينيك 

النوم جافاها

هاك سويهو

 قليبي وساده..

والدنيا 

القاسـيتا جروحا

حـتمــاً 

ح تهـديك أعيادا

من تاني

 يخضر بستانك

أناتعبانــــــــــــك…

هيام الاسد