ناندي بنت هندسة
________________
فاطمه سلام
ياالسمحه براك
حسن وينو”
اقعد يا اخوي”
حسن هنداك”
القول أبت”
ماتقول” لي جاك”
ا محمد” اخوي”
هو القول برجاك”
أمك وينا”
مرقت” هسا
على الجيران
كانت راجياك”
يايمه” عفوك”
وانا دايرو رضاك”
بدور إختر دعواتك لي وانا مابنساك
عوافي سلام ياست” الكل
لمن ألقاك
ياولدي” أقيف” ماتسد” الباب”
كيفن تمشي وتسيبنا” وراك”
اخوانك ديل وأبوك المات” بتدور” بتفوت؟
وجرحي كمان لساتو ماطاب ”
المافي شنو؟؟
قبال ماتفوت قول الاسباب” كان سافرتا
مهما” بعدتا غير وطنك ده مابتلقى” تراب
الغربه وجع الغربه عذاب
والقال مبسوط والله كضاب
اي كضاب كضاب القال
هو ماموجوع” كضاب القال
ماببكي دوام “ويزرف” في دموع”
فاقدين” الكل
البيت الشارع
وحتى الضل”
دقه الباب
زياره الضيف”
البن واللمه” عشان الكيف
نادو” الجيران القليه وسط
اقرو” الفنجان”
فلانه هديك” قال جاها” عريس
والكل فرحان زغروده” وفال
و الضحكه” تعم في كل مكان ”
حبوبه” سلام”
أهلا ولدي”
تعال” لي قريب”
اديك كلام”
كلامنا” كتير”
لكنو” كمان
بنفع قدام
دخل القش” وماقال” كش”
عرفتو” شنو؟؟؟؟؟؟
اي” حبوبه، ماك قاصده” الضل”
حلاتك لي
يا نور عيني”
يحفظك” الله
القادر وحي”
بتعرفو” شليل”
شليل وينو” شليل”
وين راح” ودرنا” خلاص”
ارح” خليهو” بنكوسو” صباح”
صباحات” الله بخيرا”
على البلد الكتير خيرها”
سمانا” ملانه” بسحابا
خلاص جايبالنا” مطيره”
تعالو” نلم” وينو”حسن”
حسن قاعد” هداك” شركو”
قالو مسك لو كم طيره”
ود دبرك وكم عصفور”
وقالو عشوشه” ممغوصه”
بقت ماسكاها” هي الغيره”
محتتتتتتتتجه
وجوه العش كمان ضجه
” كيف ود دبرك” الخاين”
يمشي” كمان يحب غيره”
وإذا كان الطيور بتغير”
ما فما بالك”شعور الناس”
فيا مسافر كفاك ارجع
رفقا”بقلب” حساس”
كتير اللسه” راجنك”
وجواهم ملان تحنان”
وماقطعو العشم منك
رغم الوجعه والحرمان
ومهما” شربتا واتهنيت”
فاقد الناس دوام عطشان”
ومابرويك غير نيلك”
مويه زيرك النديان
حلاوه” الغربه” في قروشها
وما في حلاوه” غير نيران
قدر تديك تشيل منك
عذاب وبعاد فراق اخوان”
فلان عرس فلان داك مات
وما جيت في فرح لا أحزان
فما قولك اذا سألك غريب في يوم وين وطنك
ماليك مكان تصور كيف يكون ردك زول غلبان
عندو وطن نيل ونخيل طيبه ناس وفاء وتحنان
أرجع ياخي لوطنك مافي بلد ذي السودان اصلو المال بجي وبمشي وتفضل قيمة الإنسان
